За БИТ КРАФТ

Сакаме да се забавуваме додека работиме. Не сакаме да остануваме сериозни многу долго, бидејќи забавата нѝ помага во креативноста, и тоа многу, навистина многу. Обично многу се забавуваме и кажуваме доста вицови додека работиме, па можете да бидете повеќе од сигурни дека насмеани лица биле пред екранот додека сме го крафтале вашиот производ.

Кога веќе спомнавме “крафтинг“, сигурно малку ви е чуден зборот, нели? 🙂
Е па, еве ја кратката приказна позади значењето на името на фирмата: БИТ КРАФТ. Спој е од два збора. БИТ, како што веројатно знаете, е најмало парче информација. КРАФТ, звучи како англискиот збор “craft”, што значи „занает“, но е напишан како “KRAFT“, што всушност е збор на германски, кој значи „сила“, или „моќ“. Па, кое значње го има? И двете. КРАФТ во БИТ КРАФТ ги има и двете значења, од англиски и германски, спојувајќи ги нивните карактеристики. Моќен занает во кој се користи моќта и силата на битот како градиво. Ах, исто така помага името на фирмата да има идентичен запис со кирилично, како и со латинично писмо 🙂